أحمد غيوت. مركز العكارطة
هدي هي الدنيا كل أكيف جرى ليه
فين حنى أوفين نتومة يا لي ساكنين لهيه
كاين لي ساكن في لفيلا عندو لحراس عاسين عليه
من لدار لخدمة طموبيل ديه
موضف ضو أو لما مايتعرض ليه
مقدم أو شيح لحومة يبنضقو ليه
ولادو في مدرسة خاصة مايسقطو ليه
في لعيد ولدو من احسن لمارك يكسيه
دابح عجل أو خروف أو مامعمرين عينيه
ماعمرو صلى أو بسمية الحاج ناس تعيط ليه
لخير عندو غير شايط والناس تزيد تعطيه
من الناس يبعد وهوما بالهدايا يتقربو ليه
عيش هاني عمر برد ليالي محس بيه
عاش مرفح أومات مرفح حدى قبرو ساكن فقيه
حتى في قبرومهني مغطي بزليج ناس تحاشى تعفط عليه
هدي هي الدنيا كل أو كيف جرى ليه
فين حنا أوفين نتومة يالي ساكنين لهيه
شي ساكن في كاريان تبات شتى تقطر عليه
شي ساكن في بيت أو غير مع ناس كريه
عندو غير بيكالة ديمة خاسرة ليه
موضف الما والضو يجرجرو فيه
شيخ أو لمقدم بي ستيدعات ينتفو فيه
عندو ولد شمكار فين ما كان لخصومه يجيبه ليه
يجي لعيد ولدو ديما من لقديم يكسيه
حتى خروف لعيد غير ناس تفارض ليه
عندو بيث خاوي من لفراش يطيح لفار يتزوى فيه
يعيطو عليه غير حميدة حتى من سميتو نقصوها ليه
ديمة مقشف معمر لخير شاط عليه
خدام طالب معاشو ومن خلاصو ناس تنقس ليه
من ناس يحاول يتقرب وهومة يصدو فيه
عيش مغبون عمر الدفى محس بيه
عاش محن أومات محن حتى لروضة مصاب لي ديه
قبرو من تراب بلا شاهد ديما ناس تشتف عليه.